Palomma 'e mare - La Maschera: текст песни id 37480322
N’auciello me guardava a capa 'a sotto
Era matina e 'o nonno mio pescava
Ma chisà comm' 'a lenza, 'int' a 'na botta
S’arravugliaje a 'nu pesce che vulava
Nun sapevo che dicere quando isso
Felice p''o trufeo appena vinciuto
Dicette «Robè, chesta è cosa 'e lusso!
Fa brodo e p''o tirà che c'è vulute
Perciò mo piglià 'o sicchio cu' l’auciello
E tuornatenn' a casa aumm' aumm'»
'A nonna s’aspettava orate e stelle
E je m’appresentaje cu' 'nu palumbo…
Ohi palummé
Ca pe' vulà 'ncuntraste 'a malasciorta
Fa cunto ca nisciuno ha visto niente
Je mo t’arap' 'a cella
Però cerca 'e te sta' accorta, usa 'e cervella!
E invece tu
Te firmi affianco a me pe' 'na jurnata
Comm' a chi è schiavo 'a primm' 'e essere nato
Comm' a 'nu popolo senza catene
E 'nnammurato d''o padrone
Mo ca ce penso, je e te ce assumigliamme
E comm' a nuje sapisse quanta gente
Rimane 'ncarcerata o more 'e famme
Pecché piglia pe' buono 'o malamente…
Ohi palummé
Ca pe' vulà 'ncuntraste 'a malasciorta
Fa cunto ca nisciuno ha visto niente
Je mo t’arap' 'a cella
Però cerca 'e te sta' accorta, usa 'e cervella!
E invece tu
Te firmi affianco a me pe' 'na jurnata
Comm' a chi è schiavo 'a primm' 'e essere nato
Comm' a 'nu popolo senza catene
E 'nnammurato d''o padrone
Оставить комментарий: