Елга — текст песни

Мин бүген тетрәнеп аңладым,

Моны син дә аңла.

Асылда һәммәбез барыбер

Бер якка юл ала.

Акылдан язган таш кала

Бер көнне, суламый, тын кала.

Кайгылар онытыла, яшәүнең

Газабы югала.

Акылдан язган таш кала

Бер көнне, суламый, тын кала.

Кайгылар онытыла, яшәүнең

Газабы югала.

Гомернең елгасы күгелҗем

Томанга төренә,

Ярлары буенда салкынча

Аксыллык җебенә.

Дөньяның ямансу күгендә

Кошларның төркеме күренә.

Бу - минем яшәгән көннәрем

Офыкта күмелә.

Дөньяның ямансу күгендә

Кошларның төркеме күренә.

Бу - минем яшәгән көннәрем

Офыкта күмелә.

Һаман да өметем бар минем

Бу бөек агымга,

Агадыр шикелле ул елга

Һәрвакыт кыйблага.

Агымсу өстеннән тын гына,

Фәрештәләр иле ягына

Җырлап та, елап та туймаслык

Мәңгелек моңга.

Агымсу өстеннән тын гына,

Фәрештәләр иле ягына

Җырлап та, елап та туймаслык

Мәңгелек моңга.